見香港最近又天寒地凍，今期 Green 就介紹暖笠笠的熱療枕。
都市人生活節奏急速，肩頸繃緊是香港人常見病痛之一，使用熱療產品是不少人的選擇，但有用過熱療產品的人士，可能曾遇上產品不夠貼服，或治療效果不突出等問題。
最近公平點就推出了由甘肅婦女巧手縫製的天然熱療枕，產品生產過程貫徹公平原則之餘，設計上亦見環保和細心，治療病痛同時，亦暖上心頭。
公平點副總監 Joanne Choi 在介紹產品時表示，天然熱療枕的誕生，源於之前肩頸繃緊的經歷。「之前因為工作緊張，有膊頭痛同埋緊o既問題。當時物理治療師建議用含有小麥o既產品作治療，但香港搵唔到;又試過其他產品，例如枕頭、啫喱冷熱敷包、電熱墊等等，一係唔方便，一係效果冇咁突出」。最後Joanne發現，使用粒狀的小麥，最能將患處包得貼服，同時散發自然氣味，因而開始著手研究生產天然熱療枕。
公平點素來跟「甘肅婦女巧手工作坊」的婦女們有合作關係，甘肅位於中國北方，盛產小麥，是製作熱療枕材料的不二之選，由選取小麥到製作熱療枕袋，都是由一群年長的農村婦女親力親為，除了可以讓婦女幫補家計外，更能讓他們從中建立自信。
天然熱療枕全人手製作，並用上純棉布，不含化學成份，可以用得更安心。而且熱療枕同樣適用於經痛以及身體其他部位，熱力可維持約20分鐘，就算不當作熱療枕，亦可於冬日當作暖包。難怪產品由11月推出至今反映熱烈，其中薰衣草味熱療枕更一度賣斷貨。諗諗下，一物N用其實都好抵喎。